اعضاء منتداي الغالين من اليوم بتغيب عن المنتدى وذلك سيكون لمدة 3 اسابيع والسبب.......

[سنيوريتا]

السلام عليكم ورحمة الله وبركاته...


اعضاء منتدانا الغالي حبيت اخبركم قبل لا اقطع من المنتدى اني بتغيب من المنتدى بشكل خاص وعن النت بشكل عام..

وذلك لان:

هذي فترة ما قبل الامتحانات ولازم اشد حيلي ان شالله وانجح والله من خاطري حااابه انجح ادعولي :(


ودعواتكم لي في صلاتكم وبين الاذان والاقامه ان الله يوفقني وانجح ان شالله ..


والمدة ستكون 3 اسابيع ويومين تقريبا او اقل ..


ادعولي بالتوفيق..


حبيت اخبركم عشان اكسب دعوات من وراكم ربي ينجحني ..

وعشان ما يكون شكلكم جي .. :confused: وين @ام بدّووور@


ان شالله بحاول ما اطول واذا قدرت فاوقات فراغي بحااااااااااول اني ادش ...

مادري اذا بتفتقدوني او لا ... :o


ياخوفي ما يأثر فيكم غيابي لوووووووووووول..:d:d:d:d

والاعضاء اليداد الي حاب شي من دخوني او مخلطاتي قولوله 3 اسابيع وراجعه وياريت لو ترفعون مواضيعي على طول..


وبالنسبه للقمر وصل بردلها خبر عن الزيت اذا حصلت ان شالله وقولولها تتفاءل بخير..


من طول الغيبات ياب الغنايم..


ادعولي..
تحياتي لمدير الموقع والمراقب العام والمؤسسين ... واعضاء منتداي الحبيب ..


لكم مني اجمل تحية

تقبلوا تحياتي

[...ألـخ]

صح ان بنفقدج وايـــــد


بس بنصبر عشان مصلحج



الله يوفقج يـــــارب ويكون النجاح حليفج



....


تروحين تردين بالسلامـه<:

[سنيوريتا]

تسلمين الخ عالرد وانا بشتاقلكم a loooooot


ياخوفي ما اتحمل فرقاكم واردلكم خخخخخخ


الله يسمع منج حياتي..

[UAE]

افاااااااااااا


ثلاث اسابيع


الصراحه مده طويله:(:(


ماعليه

ومثل ما قالت ..ألخ

بنصبر الانها لصالحج


لكن ما اتوقع انج تصبرين هاي المده كلها والدليل هذا الرد

ياخوفي ما اتحمل فرقاكم واردلكم خخخخخخ


ماعليه لمصلحتج

برسل رساله للمدير العام


وبخليه يوقف عضويتج الاسباب الدراسيه لمدة ثلاث اسابيع

عشان نفرح فيج يوم تردين وتقولين يبت العلامه الكامله 100%


بنفتقدج :(

[سنيوريتا]

لاااااااا خخخخخخخ
حرام عليك باا اسلم عليكم


خخخخخخخخ


تدري الحين عندي امتحان للتوفل ان شالله وعقب اتخصص..


وما احس اني بفلح لوووووووول


لان التوفل حظ ويباله الصراحه وانا كنت عند وحده ما تعرف تشرح بس يوم بدلت الحين على اخر الكورس فهمت اشياء من المس اليديده بس يا حرام مالحقت على وايد اشياء عشان جي خايفه :(


واذا ما نجحت فالتوفل لا قدر الله بدش تخصص ما فيه توفل مثل الاعلام او القانون وربي المستعان ..

ادعولي..

[N@meless]

بالتوفيق يا ام بدور وانشالله تصفين الامتيازات صف انتى انسانة طيبة وتستاهلين كل خير ونوعيتج من الناس الله يوقف وياهم بس انتى توكلي على ربج وشدي حيلج وانشالله بتتفوقين... ما ادري اذا بتلحقين تقرين هالرساله قبل لا تقطعينا والا لا المهم انا اذكر ان فيه امتحانات تقييميه للتوفل في النت تقدرين تتدربين عليها والمهم الوقت....... المنتدى بيكون ناقص بدونج وبنترياج بفارغ الصبر بس بعلامات عاليه.. بيضي الويه:icon44:

[بياع مشتري]

ألله يوفقك دنيا وأخره

[سنيوريتا]

يسلمو حبايبي...


وان شالله خير خير ان شالله ...


شكرا نيمليس انا اعرف هالمواقع يسلمو وعاطينا سيديات بعد شرات الامتحان تدربت عليه بس ما نجحت ههههههه


الله يستر ويوفقني يارب ..


مع اني اكي بالانجليزي بس فحزتها مادري شو يستويبي من كثر الاسئله ابا اخلص وفي اشيا فالجمله ما الاحظها عشان اطبق القاعده عليها ويلخبط شوي من كثرة القواعد وتشابها..

شكرا بياع مشتري ...

ربي يوفقنا


لكم مني اجمل تحية ..

[UAE]

اشوف العكس انا

زادت زياراتها للمنتدى

بعد ما كتبت هذا الموضوع

:):):)

[سنيوريتا]

لا حرام بس بغيت اخبرك عن المنطقه وبس خلاص من باجر اكيد انا محد..

[UAE]

الله يوفقج ان شاء الله

وتحصلين التوفل من اول اختبار


:)

[سنيوريتا]

امييييييييين يارب

[قصايد]

ام بدوور بشتاقلج اكثر شي وانا عندي امتحانات وبروجكتات وايد بس اول ما افتح اللاب عسب ابدا فالبروجكت افتح المنتدى شو هالحاله استويت ادكتت فالمنتدى انشاء الله اقدر ادرس موفقه ام بدوور:(

[سنيوريتا]

الله يوفقج حياتي والله حاله خخخخخخخخخخ


ان شالله نخلص ونفتك ربي يساعدنا يارب ...



دعوااااتكم يا جماعه..


وانا بعد اوني اخذ براكتس بالنت افتح المنتدى بعد... ما اتحمل فرقاكم..

هذا يدل على الادارة الناجحه عشان جي ما نقدر نهد المنتدى بالتوفيق للجميع ..


تقبلو تحياتي..


والله يوفقج قصاااااايد..

[ALAIN]

ام بدوور عندها امتحانااات ويالسه في المنتدى وين المدير وين المراقب وين انا Hooligan . لا من باجر ما ادش المنتدي حتى تراوينا علامات التوفل اللى بيقيم لنا مدى الحرص والاهتمام وان ماعيبتنا العلامه لتوسط للمدير العام وقوله البدايه ماحلت شو بتسوي في الاسابيع الياايه .. وارسله رساله رسميه مضمونها




بسم الله الرحمن الرحيم

مدير موقع الامارات للشراء الالكتروني / المدير العام . المحترم ,,,
بواسطة / مؤسس alain

أرجوا من سيادتكم الموقره الوافقه على طلبي هذا بأن يتم حظر مؤقت الاخت الفاضله ام بدوور من المنتدى لكونها في فتره امتحانات بـ تاريخ 23/12/2008 إلى 10/1/2009. وارفاق البنود التالية:

* التأكيد من انجاز الامتحانات المقرره لها

*ارفاق لنا بطيه من سجل الدراسي بالدرجات الحاصله عليها في الفترة المذكوره أعلاه

*شهادة لم يهمه الامر لدخولها المنتدى مجددا"

هذا للعلم واجراءاتكم .
وقبلوا فائق التقدير والاحترام ,,,

مقدمه:
اعضاء المنتدى

ههههههههههههههه الله يهدييييييج غيابج عنا بيسويلنا شي من الهلوسه :p

أم بدوور نتمنالج كل التوفييق والنجااح ان شاء الله

[سنيوريتا]

خخخخخخخخخخخ خوفتني برسالتك هيييييييع..


لا ان شالله ما بطول عليكم وان شالله بحاول اركز على دراستي..

لا تحاتي..

وان شالله وقت فراغي بحدر المنتدى بترقب اليديد لاني ماقدر استغنى عنه ...


تقبلوا تحياتي ..

[ALAIN]

خخخخخخخخخخخ خوفتني برسالتك هيييييييع..


لا ان شالله ما بطول عليكم وان شالله بحاول اركز على دراستي..

لا تحاتي..

وان شالله وقت فراغي بحدر المنتدى بترقب اليديد لاني ماقدر استغنى عنه ...


تقبلوا تحياتي ..


موفقه ان شاء الله ام بدوور

ذاكري

[سنيوريتا]

ان شالله ...

وهذي اخر ليله عندي وياكم :)


اما اذا حصلت وقت في اوقلت فراغي او استراحتي اكيد بحدر اتطمن على المنتدى ..

[ولد الامارات1]

بالتوفيق يا ام بدووور

بس نباج تبشرينا بالنجاح

[سنيوريتا]

باركووووووووووووووووووووووووووووولي نجحت فالتوفل والحمدلله وان شالله خلاص على طووووول ببدأ بالتخصص ^^

[UAE]

مبرووووووووووووووووووووووووووووووووووووووووووووووو ووووووووووووووووووووك


واخيرا يعني

ان شاء الله تلقيلج وضيفه افضل

[...ألـخ]

الحمدالله رب العالمين

اتجاوزتي اكبر خطوه :icon8::icon48:


موفقـه ام بدور ^^ في حياتج العلميه ......

[سنيوريتا]

يسلمو uae يسلمو ألخ والله احس بفرحه وتدرون تقريبا 80% رسوووب انا الحمدلله نجحت ولله الحمد اشكرك يارب


وان شالله ألقى وظيفة افضل ^^ بس انا وااايد مرتاحه فالمكان اللي انا فيه والحمدلله ..