العنف ضد المراة

[ولد الامارات1]

قرأت هذا الموضوع في احدى الصحف المحلية وهو مطروح للنقاش
وقد اعجبني واردت ان نناقشه في منتدانا الغالي فما رايكم

هل تعتقد أن العنف ضد المرأة في تزايد أم نقصان في الوطن العربي ؟

وما اسباب العنف ضد المرأة اذا كان رايك ان العنف متزايد على المراة ؟

[N@meless]

فيه اسباب وايد وراء العنف ضد المرأه اذكر منها المرأة نفسها وتقبلها للعنف واعتبار التسامح والخضوع للزوج هو افضل حل وهالشي يخلي الزوج يتجرأ اكثر واكثر. و الجهل بالحقوق والواجبات فجهل المرأة بحقوقها سبب اساسي للعنف.و العادات والتقاليد والتمييز بين الذكر والانثى وتعود الطفل انه يشوف ابوه يضرب ويهين امه ويوم يكبر يصير بالنسبة له هالشي عادي والاحترام والتقدير لزوجته هو الغلط

والعلاج لهالمشكله بسيط وهو الرجوع الى القانون الالهي والشريعة الاسلامية اللي تعطي المرأه كامل حقوقها وعزتها وكرامتها قال تعالى (ولهن مثل الذي عليهن بالمعروف) (البقرة 228)، (وعاشروهن بالمعروف) (النساء 19)، وينظر إليها كإنسانة لها ما للرجل وعليها ما عليه، وأنها مساوية له في جميع الأحكام إلا ما خرج بالدليل، (يا أيها الناس اتقوا ربكم الذي خلقكم من نفس واحدة وخلق منها زوجها وبثّ منهما رجالا كثيرا ونساء) (النساء1).

اما سؤالك الاول عن هل هو في تزايد او نقصان فما اقدر احكم الا من المجتمع اللي انا عايشه فيه يعني الاهل والاصدقاء والحمدالله تعامل المرأه فيه بتقدير ومكانتها محفوظه

وجزاك الله خير على هالموضوع القيم:icon17:

[ولد الامارات1]

شكرا نيمليس ع المرور
رد رائع ومقنع ومنطقي شكرا

[...ألـخ]

ابسط ابسط ابسط طريقه يعنف فيها الرجل المرأة
اذا تكلمت المرأة وابدات برايها في موضوع .. قال
" المرأة ناقصة عقل ودين "


شكرا ولد الامارات على الطرح وسمحلي على بساطة الرد الان ماعندي وجهة نظر واسعه في الموضوع

[ولد الامارات1]

...الخ شكرا ع المرور
اعتقد اذا كان رد الرجل بهذه الطريقه تنقصه الثقافه لان المراة في وقتنا هذا متعلمه ومثقفه

[N@meless]

فعلا معاها حق الخ يمكن العنف الجسدي في مجتمعنا قليل لكن العنف اللفظي منتشر وايد بس بعد في الاول والاخير ارده للمرأة لانها تسكت عن حقها يعني اذا واحد يقولها انها ناقصه عقل ودين المفروض ما اتعب نفسها بمناقشته

المرأة المفروض تكون عاقلة في اختيار المواضيع اللي تناسب الشخص اللي جدامها ويالسه تناقشه وخصوصا مع الزوج لان في وايد بنات اسمعهم يقولون ان الوحده لازم تتناقش مع زوجها وتبدي رايها وتتفلسف عليه وصدقوني هذا اكبر غلط ممكن الوحده تسويه لان بييها كلام هيه في غنى عنه.. ناقشي زوجج بابداء رايج في موضوع معين وهو حر ياخذ به او لا ... الرجال بشكل عام ما يحبون الوحده تبين ذكاءها على زوجها يعني مهما كان لازم هو يكون السلطه العليا... وحطو في بالكم ان اغلب الرجال اذا ما ضرب بيسب ... واللي يتناقشون بالعقل نادرين وما يسوونها اصلا مع زوجاتهم يعني تلاقيهم في المنتديات احسن منهم ماشي سوالف ونكت ومن يرمس مع زوجته يتجهم :mad:

[قصايد]

انا اعتقد انه العنف ضد المراه مب في تزايد لانه المستوى التعليمي زاد فالوطن العربي وكل حد عرف حقوق المراه ووجباته تجاهه ويكفي انه الاسلام كرم المراه وثانكس على الموضوع الحلو

[قصايد]

بعدين يا ناميلس يخسي اي ريال يضربني ولا يسب ولو زوجي فالفيوشر سوه هالشي بخليه يطلقني على طوول ها اللي نااقص بعدين الريال اللي يضرب المراه ما اعتبره ريال واسمحيلي على الرد:mad:

[N@meless]

بالعكس يا قصايد ردج وايد حلو وانا احييج عليه بس المشكله الواحد يوم على البر غير ويوم يتزوج غير وايد اشياء تحكمه واولهم العيال والمجتمع
الكل يعرف ان الحرمه اذكى من الرجل يعني هيه تقدر تسايس وتمشي امورها بدون ما تطغى على هيبة ووجود الرجل

[سنيوريتا]

اول شي مشكور اخوي عالطرح واحنا محتاجين لمببرات وحلول..


بس قصااايد انا ضدج .. لان الحريم انواع في منهم الزين ومنهم الشين ومنهم البطرااان ومنهم الطيب ومنهم الساكت ومنهم الملسون..


فانا وجهة نظري ان الريال اللي يضرب حرمته مب ان نحتشر ليش ضربها وماله حق وايخسي عفوا على هالكلمه بس المفروض نعرف السبب بلالول وعقب التفاهم ليش وليش ..


يمكن الحرمه قلت ادبها بريلها بزيااااااده او احتقرته وخاصه اذا كانت من النوع اللي يضرب بالكلام بالقلب كلامها يكون

ويمكن تكون غلطت ريلها غلطه كبيره...

شوفي انا ما أأيد الريال اللي يضرب حرمته وعلى فكره انا متزوجه... ويمكن اكون عارفه هالشي احساس الحرمه اذا ملثا ريلها قالها كلمه تضيج بخاااطرها كيف يكون احساسها فما بال الضرب والعنف ضدها انا ما أأيد الريال اللي يضرب حرمته..


بس بغض النظر عن الضرب مرات في حرين يستاهلون الضرب يعني اذا سووت شي كبير كبير مثل الخيانه مثلا ..

او ان في منهن جدام رياييلهن متغشيات او محجبات وياربيعاتهم ضحك باصوات اعوذ بالله فاماكن عامه والشعر برع لا مستحى ولا حياء مثال اذا ريلها شافها وهي بالهوضع جدامه شي ومن واراه شي قوليلي ماله حق انه يضربها؟؟


انا والله هني بقوله كفخها مب بس تضربها ههههه لا عااد مب جي بس يعني ما ألومه يوم بيضربها في هالاوضاااع..


يعني اللي ابا اقووووله واوصله مب اي ريال يضرب حرمته غلطاان لا مرات الحرمه تستاااهل وتكون غلطااانه وبطرانه فالريااال لازم يخوفها شوي بس مب ان يضربها ويكسرها يعني تخويف او ضرب خفيف بالتخويف من الضرب المبرح حتى رسولنا نهى ضرب النساء بالضرب المبرح


أنه لا يحل له ضربها أكثر من عشر ضربات بحال من الأحوال لحديث أَبَي بُرْدَةَ الْأَنْصَارِيِّ - رضي الله عنه - قال سمعت النبي صلى الله عليه وسلم يقول : ( لَا تَجْلِدُوا فَوْقَ عَشْرَةِ أَسْوَاطٍ إلا في حَدٍّ من حُدُودِ اللَّهِ ) رواه البخاري ( 6458) ومسلم ( 1708) .


أرى أنه لا يحل للرجل أن يضرب زوجته في حال الغضب ولو مع وجود ما يستدعي ضربها لكونه والحال هذه سيتجاوز الحد المأذون به .

فإن امتثل الزوج ذلك فإنه لا يسأل عن ضربه زوجته ويحمل عليه حديث عمر -رضي الله عنه - إن صح - عن النبي صلى الله عليه وسلم قال : ( لا يسأل الرجل فيم ضرب امرأته )


يعني اذا استدعى الامر اذا سووت شي من ما يغضب الله له الحق الصراحه هذا راايي..


وعلى فكره في ظاهره نادره ان الزوجه هي اللي تضرب زوجها وتخوفه ولكن بالاخير القانون موجود والظلم اذا كان من الزوج او الزوجه اذا لهم حق في قانون وشريعه تحكمهم وتوجههم للصح..او اصلاح ذات البين..الحين قاموا يسوون مراكز لهالاصلاحاااات...


واخيرا كل زوجين لهم حياتهم وتكون مختلفه عن الاخرين ولهم اسبابهم وحججهم...


اتمنى اكون افدتكم..ووصلت فكرتي ووجهة نظري.. وشكرا

[N@meless]

ام بدوور انا ضدج 180 درجة.. الرجل ماله انه يضرب زوجته .... هو خذها من بيت اهلها معززه مكرمه والمفروض يحافظ على كرامتها مب يهينها .... اذا استدعت الحاجه لتأديب المرأه فالمفروض يلجأ لاهلها اما ابوها او اخوها لتأديبها مب هو يمد ايده عليها.. يوم الرجل يمد ايده على شريكة حياته اللي المفروض ما تسمع منه الا الكلام الطيب تنكسر نفسها وما ترجع مثل قبل وبعدين الرجال ما ينفتح لهم مجال يعني ما تقدرين تقولين اذا استدعى الحال اضربها لان كل الحالات عندهم تستدعي

[سنيوريتا]

ههههههههه لا الغاليه مب كل الحالات تستدعي اذا جي هو بطران بس فديتج هذا كلام رسولنا ان اذا سوت شي من ما يغضب الله يعني يقدر يضربها تخويف او يحاول اصلاحها فالبدايه بالكلام الطيب وبعده يشد شوي يعني مراحل لين تكون اوكي..


وانا بقولج شي دام ان البنيه على ذمة ريلها اهلها ما يتدخلون فيها يعني ما صارت كل ما استوى شي بيروح لاخوانها وابوها وغيرهم لالا حياتي ما يستوي على كثر ما يقدرون تكون حياتهم بينهم وسريه وماله داعي حد يدخل بينهم الا اذا استوت سالفه كبيره اذا بيدخلون يصلحون زين بس يدخلون يخربون هني المحكمه والشرع ما يرضى وبعد


والله اعلم..


وانا احترم رايج والاراء تختلف بس اللي اقراه فكذا مكان واللي درسته واللي سمعته هذا فكري منبني عليه وصدقيني في نصهم يبالهم تأديب والرسول ما منع من تأديب الزوجه ومحاولة اصلاحها ..

[قصايد]

يعل ايده الكسر لو ضربني هاي دعوة ما قبل الزواج لووووووووول:)

[N@meless]

انا ما اقصد ان كل شوي يسير يشتكي عند اهلها.. التفاهم مطلوب بين الزوجين وله انه ينصحه ويهجرها واذا ما ارتدت يلجأ للكبير في اهلها نحن جيه تربينا وتعودنا اما عند الضرب فاللي وصى عليه الرسول هو ضرب خفيف بمخده او بشي ما ينحس والقصد منه تحسيس المرأه بان اللي سوتها مب شوي لكن ضرب اليد والخيزرانه فهذا مافيه اي شي يبرره ... يباها يخليها على ذمته واذا ما يباها بيت رباها ما بيعجز عنها هذا ما تعودنا عليه
وبعدين المرأه المضروبه اذا سكتت عن ضرب الرجل في المره الاولى بيعيدها انا سمعت شيوخ دين مثل العريفي وغيره يشجعون المرأه انها ما تسكت عن الرجل لان اوضاع الرجال الحين غير عن اوضاعهم ايام الصحابه .. صاروا ظلام

وانا بعد احترم رايج وياليت ما تقطعين هالمنتدى تعجبني طريقتج في المناقشه

[سنيوريتا]

فديتج والله ان شالله تواصلي بيكون اكبر اكبر..


بس اختي انا يوم قلت ضرب انزين انا ما اقصد ان الضرب المبرح طبعا هذا ما يجوز حتى المحكمه الحين فهالايام تقاضي الزوج اللي يضرب حرمته مادري اذا تعرفين هالشي وبعدين الحمدالله اهلنا ولا واحد منا مد ايده على حرمته واهم شي الاحترام والتفاهم بينهم بس الغاليه من اللي اسمعه ان يقولون ريال ضرب حرمته لان شافها ويا ربيعاتها تكعكع يعني تضحك بصوت عالي فالكوفي او مكاان عاام وسبحان الله هو ماكان يدري ان هي هناك شافها فالصدفه او ان ريال ضرب حرمته لان خانته انا هني ما لوم الريال لان اللي اسوته شي كبير فحقه يعني غلطت غلطه كبيره ومادري شو وجهة نظر المحكمه فهالشي..

اوكي المره الولى النصح والثانيه يعصب والثالثه ؟؟

واذا خبر اهلها وما سوو شي وهو يباها ما يبا يطلقها شو فنظرج انه يسوي؟؟


اكيد ان يحاول يصلحها من البدايه لين يشد شوي شوي وصدقيني لو متربيه على الصح الحمدلله حتى لو غلطت يمكن ترد على الطريج اللي تربت عليه الانسان مب معصووم عن الخطا بس الغلط يوم الواحد يتمادى فيه ويتم على غلطه وهني يباله توجيه واذا ما نفع العنف بس مثل ما قلتي مب انه يكسرها والا شي يعني تخويييييييييف وبس..


الضرب له انواعه :

انا بقولج في ضرب بس يكون ضرب لعب..

وفي ضرب يكون ضرب انه معصب بس مب قوي بس شوي جي يعني مثل ضربه عالكتف او يفرها بشي وهو مب قصده بس انه مقهور والا شي..مثل ما تقولين فر عليها مخده يعني ما عورها بس جي من القهر..


وفي ضرب قاااتل هذا طبعا ما يجوووز بشتى الطرق..

وفي ضرب يكون ضرب بس مب قوي..يعني بكلام يجرح شوي الحين ويطيب عقب..وشوية ضرب عالايد او مثل التخويف يمسكها من ايدها بس مب انه يضربها او يعورها لا لا بس تخويييف ..

وتسلمين غلايا عالاطراء من ذوقج..

[سنيوريتا]

يستخدم عنفه بس بتعقل مب بدمار شامل هههههههههه

[ولد الامارات1]

ام بدوور ونيمليس وقصايد شكرا ع المرور

وارائكم رائعه وكلامكم جميل ومناقشه نرجوا من الجميع الاستفاده منها

[سنيوريتا]

تسلم اخوي ^^

[ولد الامارات1]

شكرا ام بدوور

[سنيوريتا]

ما بنخلص ههه تسلم وشكرا ومشكور وتسلمين هههه

[ولد الامارات1]

الله يسلمج من الشر ام بدووور
وشكرا

[سنيوريتا]

امين وياك خيووو

[ولد الامارات1]

شكرا ع المرور ام بدووور