زواج الفتاة في سن14-16سنة

[ولد الامارات1]

السلام عليكم ورحمة الله وبركاته،،

اذا كنت ضد الزواج المبكر لماذا ؟
وهل عن تجربة ؟
اذا كنت مع الزواج المبكر ايضا لماذا ؟
لوسمحتوا وجهة نظركم في الموضوع ؟

[ولد الامارات1]

ش السالفه ليش ما شي ردود :(

[قصايد]

انا الصراحه ضد الزواج المبكر لانه البنت بعدها بتكون TEENAGER ما تعرف احاسييسها ولا مشاعرها كيف بتكون لانه احاسيسيها تتبدل وتتغير كل ما تكبر وثاني شي لازم اتكمل دراستها لو اتزوجت بها السن بتكون شي وايد حواجز تمنعها عن هالشي بعدين بيكون عقلها بعده صغير:rolleyes: يمكن بعده فنمو مستمر وغير حب الشباب اللي يطلع فالويه حالتها النفسيه بتكون فالحضيض وثاني شي نحن فالقرن العشرين مب شرط البنت تتزوج بها السن بعدها الحياه جدامها هاي وجهة نظري واصلا ما بيكون عندها ثقافه عسب تتعامل مع ريلها مادري والله هاي وجهة نظري :confused:

[ولد الامارات1]

مشكوره اختي قصايد ع المرور وجهة نظر رائعه بالنسبه انا رايي متقارب مع وجهة نظرج اختي قصايد

[UAE]

وعليكم السلام ورحمة الله

اذا كنت ضد الزواج المبكر لماذا ؟

لست ضده اطلاقاً بل العكس انصح به

//////////////////////////


لوسمحتوا وجهة نظركم في الموضوع ؟

وهذه بعض النصائح والفوائد لزواج المبكر عسى ان تنفعكم

والزواج المبكر له فوائد متعددة، منها:


1- حصول الأولاد الذين تقر بهم العين، ويفرح بهم الأب قبل عجزه : قال تعالى: #{ وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ }## [سورة الفرقان: 74]، كما أن الأولاد شطر زينة الحياة الدنيا #{ الْمَالُ وَالْبَنُونَ زِينَةُ الْحَيَاةِ الدُّنْيَا }## [سورة الكهف: 46].




2- تكثير الأمة الإسلامية وتكثير المجتمع الإسلامي. والإنسان مطلوب منه أن يشارك في بناء المجتمع الإسلامي يقول ـ صلى الله عليه وسلم ـ: ~( تزوجوا فإني مكاثر بكم يوم القيامة )~~رواه الترمذي وابن ماجه، وصححه الألباني، وفترة الشباب هي زمن النشاط والطاقة والعطاء .



3- صون الشباب من الانحراف والوقوع في الرذيلة.



4- حفظ أعراض المسلمين، وصون المجتمع الإسلامي من الآفات، والأمراض.




5- حصول الأمن والاستقرار، فالزواج المبكر يكبح جماح طاقة الشباب من الانحراف، ولو بقيت دون تصريف قد تؤدي إلى حصول ما لا تحمد عقباه

اشكرك يا ولد الامارات على هذا الموضوع المفيد جدا:)

[سري للغاية]

عادي ..أمهاتنا تزوجن بعمر ال 12 سنة

و الحمدالله كل شي بخير

لكن مع التطور لازم يسووون سالفة و يكبرون السالفة

دام الاسلام وصانا على هالشي ليش بتخالفونه ؟؟؟؟ او حتى تناقشونه؟؟

مشكور على الموضوع

[ولد الامارات1]

سري للغايه احنا مب مخالفين للزواج المبكر ولكن حبينا نشوف وجهات النظر من يتوافق مع الزواج المبكر ومن لا يتوافق معه
الاسلام حث على الزواج المبكر ونحن نؤيد الاسلام في كل شي ولكن طرح الموضوع للمناقشه لايعني مخالفة الاسلام
يجب ان رنى الموضوع ووجهات نظر الناس في هذا الموضوع ليس لاننا في عصر التطور ولكن لنرى ونتفكر بعمق في الموضوع
ونرى وجهات نظر وقناعات اخرى فمنا من لا يعلم فوائد الزواج المبكر ومنا من لايعرف سلبياته ايضا
فنحن هنا لنتناقش ونتعلم من بعضنا فمن لديه شي يطرحه ليتعلم منه الاخرون
وفي النهايه
مشكور ع المرور

[ولد الامارات1]

مشكور اخوي uae ع المرور وع المعلومات التي طرحتها ويزاك الله الف خير

[بياع مشتري]

السلام عليكم ورحمة ألله وبركاته

أنا مع مراقبنا uae مادام قال مع فنحن بعد مع .. والخطه رقم 5 اللي ذكرها المرقب أصابت كبد الحقيقة "حصول الأمن والاستقرار، فالزواج المبكر يكبح جماح طاقة الشباب من الانحراف، ولو بقيت دون تصريف قد تؤدي إلى حصول ما لا تحمد عقباه"

بارك ألله فيك وكثر ألله من أمثالك لك منى أجمل تحية

[N@meless]

انا مع الزواج المبكر للجنسين الذكر والانثى لانه يصون المسلم من الانجرار للطريق الخطأ.. بس عشان تفكر تزوج بنتك او ولدك في سن مبكر او غيره لازم تقيم وضعه العقلي هل هالانسان قادر انه يتحمل مسئولية بيت وعيال وحياة جديدة والا بيفر المسؤلية على اهله وبيدور ويا ربعه؟؟ فيه اهل للاسف يكون ولدهم ضايع ويقولون بنزوجه يمكن يعقل ويكون صغير والعروس صغيره كيف تقدر ترده اذا اهله ما ردوه؟!!...

[ولد الامارات1]

تسلمين اختي نمليس ع المرور ومشكوره الراي الرائع والكلام المنطقي

[ولد الامارات1]

مشكوره بياع مشتري ع المرور.

[ولد الامارات1]

مشكور بياع مشتري ع المرور

[UAEBOY]

أب أتزوج وحده فوق ال 14 و تحت ال 16

بليز هيلب

[UAE]

لووول

وانا بعد

لووول

[ولد الامارات1]

Uae شو صارلك تبا تتزوج

[N@meless]

ومن شروط تزويج الاهل للفتاة في سن مبكر ان يختار لها الاهل شاب قريب من سنها مب واحد مغبر عليه الدهر

[ولد الامارات1]

كلامج صح نيمليس

مشكوره ع المرور

[سنيوريتا]

نو انا مب ويا نيمليس ...


انا بقولكم شي الصراحه ومن تجربتي الخاصه اشجع الزواج المبكر ..

انا كنت مخطوبه في 16 و عقدت 17...

الحمدلله عندي بنيه وانا عمري 20 ..

والفرق بيني وبين زوجي 10 سنين بس الحمدلله والله عقلني على وايد اشياء خخخخخ

وفهمت الحياة منه وكنت وايد اشياء انا ما اعرفها والحمدلله الحين واايد واعيه عليها في بنات 25 سنه و 30 سنه يمكن ما يعرفون اللي انا عرفته من الزواج..

والزواج المبكر حتى ابود البنيه من الطيش مب بس الولد..

وانا الصراحه أأيد زواج البنيه مبكرا بس مب وايد أأيد زواج الولد وهو صغير لان اذا كان الريال مب فاهم كيف بيفهم الحرمه..

وانا اعرف وايدين يهال قوم 18 او 19 سنه ازوجوا واتطلقوا عقب ما يعرفون يديرون البيت مب كفء ومن قد المسؤوليه..

بس البنت من طبعها يكون حد مسؤول عنها من استوت ابوها مسؤول عنها ويوم تعرس ريلها يكون مسؤول عنها بس الريال ابوه يكون مسؤول عنه ويوم يتزوج يخرج من مسؤولية ابوه هو يدير نفسه وبيته..


وعلى فكرة وااايد مواقف فالحياة الزوجيه تتطلب ان يكون الريال شوي واعي وفاهم لان اذا البنيه صغيرة هو اوعى وفاهم ويعرف شو يسوي ..

اما اذا الريال صغير والحرمة صغيره راحوا وطي من اول ضرابه يقول هو طالق وخلاص..

اثبت ان الطلاق للي اعمارهم بين 16 لين 25 اكثر من الطلاق اللي بين 25 ووفوق..

بس هالشرح اللي شرحته يختلف من انسان لثاني..

لان يمكن ريال عمره 30 ومب عارف يدير البيت عدل اما اييك واحد صغير والله شال البيت ومتحمل المسؤوليه ويعرف يتصرف

فالمواقف اللي يبالها صبر ..((وهالمواقف تصير بين فتره وفتره طويله))

كلا الاثنين يحس بضغط وجي وعلى حسب حياة كل زوجين وهني يبالها ريال واعي وعارف شو يسوي ..

وعلى حسب البنيه مرات اتيك بنيه 18 سنه او 20 وعقل مال قوم 10 او 12 سنه ومب عارفه شي ..

الاهل هم يقيمون فهم البنت ورزانتها وكيف تتحمل المسؤوليه ويوعونها مب يخلونها مب فاهمه شي..

وحلو ان البنت تتزوج وهي صغيره وتكبر وعيالها يكبرون وياها والله نااايس

وفالاخير مادري اذا خاني التعبير او ما قدرت اوصل الفكرة اللي انا ابا اقولها..

بس انا مع في مواقف وضد في مواقف ثانيه وهذا في رأيي وبعضهم عن تجربه ..وبس

[ولد الامارات1]

ام بدووور شكرا ع المرور

[سنيوريتا]

شكرا ولد الامارات عالموضوع موضوع شيق الصراحه ادخله مرات عديده..

[ولد الامارات1]

شكرا ام بدووور

[Euro]

في الحقيقه..

انا انصح به ولكن ليس بسن 16

في سن 18 او 19

حتى انها تكبر وتلقى عيالها شباب وتقدر اتربيهم صح
واتكون فاهمتنهم ومب تصعب عليها انها اتربيهم


وحتى انها اتعيش واتشوف عيال عيال عيالها


وتسلم ياولد الامارات وماتقصر

[سنيوريتا]

سبيريت رد مقنع ونفس رايي انا اشجع..

[ولد الامارات1]

شكرا ع المرور

[فرح بنت محمد]

رايي من راي الاخ spirit

احلى عمر بس المشكلة البنت هني ما تقتنع واايد الا من رحم ربي

تبا تكمل دراستها ومن هالخرابيط >> وحدة منهن ^^


عالعموم بالتوفيج للجميع ياربي

^^

[ولد الامارات1]

فرح بنت محمد شكرا ع المرور