المساعد الشخصي الرقمي

مشاهدة النسخة كاملة : اقتراح

N@meless
17-04-2009, 11:49 AM
عندي اقتراح صار لي فترة افكر فيه وحبيت اعرضه عليكم بما ان كلكم والحمدالله نفوسكم طيبه وتحبون الخير... صح نحن في بلد خير ونعمه لكن في ناس وايدين مب لاقين اللقمه... اللي عائلهم توفى واللي ما يشتغل ... نفوسهم عزيزه ويتعففون عن السؤال... والهلال الاحمر ما يدري عنهم... ليش ما ننشأ صندوق في المنتدى كل واحد يحط اللي تجود به نفسه وواحد من الاعضاء يفتح حساب خاص بالتبرعات باسمه في البنك ونحن نطرش عليه... وراعي الرصيد لازم يكون على درايه ببعض الاسر المحتاجه ويعطيهم بطريقته وبدون ما يحسسهم بأن هذي صدقه... يعني الاميه عندنا ما تسوي شي لكن عند الفقارى ممكن تعيشهم كم يوم بثلاث وجبات... طبعا لكم الخيار بتعديل الطريقه المهم الفكره هيه مساعدة الفقراء... والتبرع يتم بالخفاء يعني تحط الفلوس في الرصيد بدون ذكر الاسم علشان ما تنحرم الاجر... شو رايكم؟
قصايد
17-04-2009, 12:05 PM
انا موافقه ويزاج الله الف خير بس كيف بنعرف الاسر المحتاجه ؟؟؟؟؟؟
N@meless
17-04-2009, 12:12 PM
المفروض الشخص اللي يقبل ان الرصيد يكون باسمه على درايه بالعائلات الفقيره... ومن الاعضاء الذين يعرفون الاسر الفقيرة عليهم مراسلة الشخص المسؤول على الخاص
محمد
17-04-2009, 12:22 PM
اول مره تقولين شي صح

<<==== اونه عاد يعرفج اصلا


لا بصراحه اقتراح حلووو ويزاج الله الف خير


واسمحيلي على التعديل البسيط في المقترح

يمكن مب وايدين يعرفون ناس فقارى ومحتاجين وفي حال كان في حد يعرف ناس فقارى ومحتاجين يتولى المهمه

لكن اذا مافي حد يعرف ناس فقارى ومحتاجين خلاص نكسل المشروع يعني ؟؟

لا ...

المفروض في كل مسجد يكون في لجنة تكافل خيريه

يعني يمكن بعض الاحياء ما يكون فيها فقراء

ولكن انا على يقين بان كثير من الاحياء العاديه فيها ناس فقراء ومحتاجين

ولو كل مسجد مسوي لجنة لان اهل المسجد يعرفون منو محتاج في فريجهم ومنو مب محتاج

ولو جمعت المبالغ عند امام المسجد مثلا او شباب فيهم الخير وتولوا عملية توزيع الفلوس على هالناس بطريقة مناسبه وحلوه اعتقد المشروع بينجح اكثر

تخيلوا لو كل حد يحط مثلا عشر دراهم ما بنقول ميه في مسجد واهل المسجد ادرى بالناس اللي بفريجهم
والاقربون اولى بالمعروف

واعتقد في حديث انه ليس منا من بات وجاره جائع او في ما معنى الحديث

ويزاج الله خير اختي نامليس على فتح الموضوع

على فكره يمكن الاخوات ما يقدرون يشاركون في لجان المساجد بس ما يمنع نعزز مقترح الاخت نامليس واللي يعرف ناس ياخذ الفلوس ويوديلهم او عن طريق مسجدهم ...

والله يبارك للجميع
N@meless
17-04-2009, 12:31 PM
اقتراحك اكثر من رائع يا اخ محمد بس يمشي في السعوديه مب هنيه... ائمة المساجد هنيه بنقال... منو بيكون امين على الصندوق الخيري في المسجد... وحتى شبابنا مب مثل شباب السعوديه... يتكاسلون في طلب الاجر... اذا انت تقدر تشجع الشباب اللي حواليك في فريجكم بتاخذ الاجر ...

انا الفكرة عندي هيه مساعدة المحتاجين والطريقه مفتوحه للجميع في اختيار الاسلوب... واللي عنده القدرة على تنفيذ اقتراح محمد يسويها والله يوفقه انشالله في طلب الخير والاجر من عند الرحمان الرحيم
UAE
17-04-2009, 08:28 PM
اقتراح يحتاج الي تنظيم اكثر



ومن حيث العوائل المحتاجه اتركوا المهمه لي




بس عندي ملاحظه بخصوص جمع التبرعات

وهي

يكون موعد نهائي كل ثلاث شهور مثلا لجمع التبرعات وتوزيعها

يعني نجمع التبرعات لمدت ثلاث شهور وبعدين نقسمها للمحتاجين



وجزاج الله خير ناميلس

الموضوع يحتاج الي تنسيق وترتيب وتثبيت


بتواصل معاج
...ألـخ
18-04-2009, 06:33 PM
فكره حلوه
بس انا افضل التبرع لاقامة مشاريع مثل بناء مسجد في دوله فقيره .. طباعة القران .. حفر بير

الله يوفقكم في الفكره
UAE
19-04-2009, 01:39 AM
تم الاتفاق

///////////

يغلق

لحين ازدياد عدد الاعضاء




جزاكم الله خير على هذي النيه الطيبه

http://www.uaebuy.com/vb/uaebuy/buttons/threadclosed.gif