مواجهه ام صبر

[N@meless]

فيه سؤال دايما اسمعه يتردد بين النساء المتزوجات وحبيت اطرحه هنيه


اذا عرفت المرأة ان زوجها يخونها فشو الافضل تواجهه والا تسوي نفسها ما تدري عن شي؟

[UAE]

صدقك الخيانه صارت حديث الشارع هذي الايام


ومن ناحيتي

افضل سكوتها

الانه لو تكلمت وناقرت في الاخير هي الخسرانه

وبخصوص الرجل الخائن

مصيره يرجع لبيته

وعلى قولة اخوانا المصريين

ظـل راجـل ولا ظـل حيـطــه


اشكرك جزيل الشكر

موضوع يستحق النقاش فعلا

موفق

[...ألـخ]

انا افضل المواجه بس تكوون مواجه حكيمة مدروسه ..... مب تواجه في لحظه غضب

مثلا في بنات يدق على البنت الثانيه ويهددنها ومن هالامور هالتصرف غلظ هذا يدمر العلاقه تماما

ويخلي الريال يعاند ويزيد ......


ترمسه تيلس اوياه تشوف وين النقص والخلل 100% بتنحل المشكله اذا كان اسلوبها مقنع وماثر





وانا ماتفق وي المراقب في

ظـل راجـل ولا ظـل حيـطــه

الان افضل ظل الحيط ولا ظل رجل خان عهد مع الله قبل لا يكون وي شريكة حياته

[N@meless]

مشكورين على المرور وانا اتفق مع المراقب 100% والرجل بطبعه خوان ووحده عرفها عن طريق التيلفون او النت ممكن تفر راسه وتنسيه عياله وزوجته لانها بتكلمه عن الحب والرومانسية مب عن العيال والبيت والمسووليات اللي يبا يتناساها.. لكن ان لف ودار مسيره بيرد بيته وعياله لكن المشكله انه بيرد عقب ما يهد الثقه بينه وبين زوجته وبعدين سبحان الله يمكن الله يقدر لهالانسان الضايع الهدايه والزوجه ينبنى لها بيت في الجنة اذا صبرت على بلاوي زوجها

[بياع مشتري]

نامليس طروحاتك مميزة وموضع مهم للحوار "ورب ضارة نافعة" ومثل ماقلت ينبنى لها بيت في الجنة أفضل من الدنيا الفانية

ألله يهدينا و يهدي الجميع

ننتظر جديدك

[قصايد]

ماادري شو اسبابه لخيانة زوجته بس الله يعينها عسب جي اشجع الزواج من ثانيه لانه الزوجه الثانيه اهون من الخيانه الزوجيه اصلا كل الرياييل ما منهم امان

[N@meless]

زين يا اختي قصايد لو كنتى الزوجة الاولى هل بتشجعين على الزواج من ثانيه؟! وبعدين الخاين خاين سواء عنده وحده والا عشر.. ودايما خواتي حطو في بالكم ان الرجل المتزوج يوم يخون زوجته مع وحده ثانيه ما بييلس يمدح في زوجته اكيد بيذمها عشان يبرر فعلته ومشكلة البنات انهم يصدقون كلام الريال وخلاص يعتبرون نفسهم هم اللي بيطلعونه من هالوضع المؤلم اللي عايش فيه... المفروض الوحده تحط نفسها مكان الزوجه الغافله والمأمنه ان زوجها ثقة ويعتمد عليه.. وتحط جدام عينها انها يوم بتقبل الزواج على ضرة بتدمر اسرة وبييها يوم وبيمل منها.. ادري البنات يدقون على صدورهم ويقولون لا انا غير انا محد بيمل منى انا بغير حياته وبيطلق الاولى وبيتم معاي.. كلهم قالوا نفس الكلام لكن في الاخير بيتزوج هاي اللي كان يكلمها بالتيلفون وبيتحمل مسئوليتها مثل ما تحمل مسئولية الاولى اللي كان يشرد منها الى عالم الاحلام والتيلفونات...

[قصايد]

لو كنت الاولى بشجع لانه الشرع حلل 4 مب انا اللي اعترض على حكم ربي

[قصايد]

واصلا اللي يذم حرمته الاولى ولا يغلط عليها انا ما اعتبره ريال

[N@meless]

ماشالله عليج ياقصايد والله يثبتج على دينج انشاءلله... معروف عن الحريم انهم يتبعون شرع الله في كل شي الا يوم تي عند التعدد ... طبعا انا مب ضد التعدد ولا بخالف شرع ربي لكن الله يوم حلل التعدد حط شروط وضوابط للهاشي ما تركها سايبه والرياييل خذوا راس الموضوع وهو التعدد وقالوا حلال وبنسويه ما يعرفون ان يوم القيامة بيمشون بشق مايل اذا ما عدل وبأن الله بيحاسبهم على عدم العدل.
والشي الثاني اختي قصايد ان فيه مثل متعارف عليه بين الناس (لو ضرتي ركبتي كنت قصيتها) وهذا مثل ماله خص لا بالدين ولا بالشرع هذا احساس الزوجه اللي تي وحده وتنغص عليها في مملكتها

[بياع مشتري]

يسعد صباحكم :)

ألله يكثر من أمثالك ياقصايد ويثبتك على القول والعمل " التجربة خير برهان":cool:

[السبوسي]

الخيانه بصراحه كبيرة في حق الزوجه بس الأفضل لها انها ما توجة الزوج فى هذا الأمر و تراجع نفسها قبل كل شي وما تترك الأمر بدون محاولة للاصلاح

موضوع رائع و و واقعي جدا

[N@meless]

الخيانه بصراحه كبيرة في حق الزوجه بس الأفضل لها انها ما توجة الزوج فى هذا الأمر و تراجع نفسها قبل كل شي وما تترك الأمر بدون محاولة للاصلاح

موضوع رائع و و واقعي جدا


كلامك راقي ومقنع يالسبوسي لكن هل تعتقد ان الرجل الخائن ممكن انه ينصلح حاله؟ وكيف ممكن للزوجة تصلح الامور بينها وبين زوجها ؟

[أم عبدالله]

الأفضل تسكت عنه لأن اذا واجهته وأغلبية الحريم ما يعرفون يواجهون بالطريقة السليمة
بيخونها جدام عينها لانها خلاص بتكون عارفه سوالفه أقول (( بعض الرجال ))

الأفضل انها تخلي هدفها الأول ((الله)) وثانياً تدعي الله يهديه و يوفقه ويرده لها...

على فكرة الزوج ما بيخون الا اذا في تقصير بحقه.. هذا رأي

مشكورة اختي نيمليس

[N@meless]

الأفضل تسكت عنه لأن اذا واجهته وأغلبية الحريم ما يعرفون يواجهون بالطريقة السليمة

بيخونها جدام عينها لانها خلاص بتكون عارفه سوالفه أقول (( بعض الرجال ))

الأفضل انها تخلي هدفها الأول ((الله)) وثانياً تدعي الله يهديه و يوفقه ويرده لها...

على فكرة الزوج ما بيخون الا اذا في تقصير بحقه.. هذا رأي


مشكورة اختي نيمليس



احترم رايج يا ام عبدالله لكن اخالفج الراي بان الرجل ما يخون الا اذا في تقصير في حقه

الرجل ما يخون يا ام عبدالله الا اذا كان عنده قصور في الايمان بالله ... خلي تكون زوجته اخس خلق الله... هل خيانته لها مع وحده ثانيه مغفور له عند رب العالمين؟! حتى لو زوجته ما شافته ولا عرفت عنه وعن خيانته ترى ربه فوق وشايف وعارف واللي ما يخاف من ربه ما عليه من رمسة زوجته

[لؤلؤة الخليج]

ما تتكلم

بس تستعمل كيد النساء

كيف


بالمعاملة الحلوة والكلمة الطيبة

ورمي سهام بس غير مباشرة


مثلا :

ربيعتي اكتشفت ان ريلها يخونها شو تنصحني اخبرها

ولو سالها انتي شاكة فيني؟

تقول طبعا لا انت ما تطلع العيبة منك ومن ها الكلام الحلو

يعني تستخدم العقل مش العواطف

[الراقي1]

ما تتكلم

بس تستعمل كيد النساء

كيف


بالمعاملة الحلوة والكلمة الطيبة

ورمي سهام بس غير مباشرة


مثلا :

ربيعتي اكتشفت ان ريلها يخونها شو تنصحني اخبرها

ولو سالها انتي شاكة فيني؟

تقول طبعا لا انت ما تطلع العيبة منك ومن ها الكلام الحلو

يعني تستخدم العقل مش العواطف

http://www.s77.com/3DSmile/04/Bg-055.gifhttp://www.s77.com/3DSmile/04/Bg-055.gifhttp://www.s77.com/3DSmile/04/Bg-055.gifhttp://www.s77.com/3DSmile/04/Bg-055.gif

[أم عبدالله]

صح كلامج اختي نيمليس بس انا قصدت دور الزوجة في الموقف نفسه

اذا كان عديم الايمان الله يحاسبه على اخطائه

اذا الانسان ما يستشعر وجود ربه هذا يكون غارق بالدنيا وما همه شي... عشان جذي حبيبتي قصدت ان تشغل وقتها بالدعاء احسن من انها تقعد تواجهه .....

[N@meless]

صح كلامج اختي نيمليس بس انا قصدت دور الزوجة في الموقف نفسه


اذا كان عديم الايمان الله يحاسبه على اخطائه


اذا الانسان ما يستشعر وجود ربه هذا يكون غارق بالدنيا وما همه شي... عشان جذي حبيبتي قصدت ان تشغل وقتها بالدعاء احسن من انها تقعد تواجهه .....


مب هالكلام اللي اعترضت عليه يا ام عبدالله بالعكس كلامج هذا عين العقل ويريح النفس والله... اللي اعترضت عليه هو يوم قلتي ان الرجل ما بيخون الا بسبب زوجته... لان هذي مقوله اخترعها الرجال كحجه للخيانة ومب من مصلحتنا نثبتها لهم.... ومشكورة على مرورج الرائع ...يعجبني اسلوبج واستفيد منه

[ام سلطان]

يعطيج العافيه

احسن شي تصارحه

عشان يعرف غلطه ويندم عليه

ولو انا منها بذوقه اللى ذقته منه الله لا يقول

يعني باخليه يحس بطعم الخياانه

هههههههههههههههههه

الله يلعن الشيطان

يسلمو ع الموضوع مواضيعكم خلتني اتهور واعصب

[ذيـاب الامـارات]

هذي تعتمد على طبيعة الزوج نفسه

ايام قبل .. كل 200 زوج يكونون بنفس الطبع بالضبط .. ونفس التفكير

ولكن الحين لا اختلف .. كل زوج يختلف اختلاف كلي عن الثاني

ممكن تصبر .. وممكن تواجه .. كونها زوجته هي تحكم شو الافضل والانسب

بعض الرجال اذا واجهتيهم .. ولكن مواجهه عقلانيه هب عشوائيه

يعني لاتواجهينه بضرابه وتيينه بشراع وميداف !

اول اجمعي عليه نقاط سلبيه كثر ما تقدرين

لاحظي عليه ابسط الامور .. وحطي تحت تصرفاته اليديده خطين

وبعدها تقعدين معاه وتناقشينه بإسلوب يفهم من خلاله انج وحده ذكيه

وهاللعبان ما يمشي عليه

هذا بالاغلب نوع الرجل الهادي المحب لزوجته ولكن اسباب ممكن نقول غبيه خلته يخونها

وبعض الاحيان يكون واحد ممكن نقول ضعيف عقل .. وينجر ورا اي شي .. والكلام معاه يكون مجدي


وفي نوع ثاني من الرجال وهم المشكلجيه .. وهذا الكلام اللبق والحوار الرزين ما ينفع معاه

هذا المواقف والمعامله تغيره .. يعني تقدرين تقولين الصبر + اتباع اسلوب المعامله معاه

يعني تأدين واجبج على اكمل وجه معاه .. وفي مواقف تنغزينه وتحسسينه انج قايمه بالواجب

وما عليج قصور .. فليش هاللعبان مع وحده ثانيه ؟!

أنبي ضميره .. والبنات معروفات .. كيدهن عظيم .. ما يحتاي الرياييل يعلمون البنت كيف تكيد :)

[السبوسي]

الأفضل تسكت عنه لأن اذا واجهته وأغلبية الحريم ما يعرفون يواجهون بالطريقة السليمة
بيخونها جدام عينها لانها خلاص بتكون عارفه سوالفه أقول (( بعض الرجال ))

الأفضل انها تخلي هدفها الأول ((الله)) وثانياً تدعي الله يهديه و يوفقه ويرده لها...

على فكرة الزوج ما بيخون الا اذا في تقصير بحقه.. هذا رأي

مشكورة اختي نيمليس

/
أم عبدالله بصراحة ردك ما عليه أي كلام عين الصواب

والزوج مايخون إلا لقصور بشكل عام

[N@meless]

/
أم عبدالله بصراحة ردك ما عليه أي كلام عين الصواب

والزوج مايخون إلا لقصور بشكل عام


اعرض عن هذا يالسبوسي

[السبوسي]

اعرض عن هذا يالسبوسي



هلا نيملس

شو يعني أعرض عن هذا وضحي معنى كلامك

[UAE]

يعني اعرض عن الذي تقوله


اترك ما قلت

[السبوسي]

ههههههههههه

خلها تعرض قبل وبنقول رأينا فيها.