ليش ماترد على الموضوع على راسك ريشه

[خالد]

السلام عليكم ورحمة الله وبركاته



وش أخباركم

أنتم شفتوا الموضوع

ليش ماترد على الموضوع على راسك ريشه__
:p
الكتاب بين من عنوانه

نشوف بعض المواضيع الردود::1بس

وبعض المواضيع الردود::250وفق بعد

ليش لأن يعرفون هذا خلاص هو ألي مواضيعه حلو وتضحك

وخلاص يصير أي موضوع يطرحه ؟؟؟؟؟؟>>>>>>بدون تحديد أسامي

يتنافسون على أول وحد يرد



بعكس بعض المواضيع ولله ماحد يرد ألا 1أو2

ولا بعد ألي يطرحون مواضيع ومحد يرد عليها

تجيه بعض الحالات؟؟

1_يتحطم نفسياً:: لأنه محد يرد على موضوعه بعكس المواضيع الأخرى
:confused:
2_معاد يطرح مواضيع:rolleyes:

3_ومعاد يرد:: وتصير الدعوه معاند يقول ليش مايرد علي

4_يترك المنتدى بأكمله

لأنه خلص خذا موقف أن محد يرد عليه

توصيات::
إلى جميع أعضاء المنتدى

1_أي موضوع ينزل شارك لكي ترفع معنويات الكاتب

شارك لو مشكووووور

شارك بأي شي

أهم شي تشارك

وأخر شي أقول شارك شارك شارك ترى ماياخذ ولا نصف دقيقه بلكثير

وجزاكم الله عني كل خير

أخوكم ::خالد::

[الراقي1]

شارك لو مشكووووور


مشكووووووووووور

[خالد]

مشكووووووووووور

الراقي



بس غايبة هاي الكلمة في المنتدى

[N@meless]

خيييبه شقا معصب!! عادي انت اطرح الموضوع شو عليك حصلت رد والا لا؟!... وبعدين مواضعيك حلوه ونستمتع بها ومعظم الاعضاء في المنتدى تجار يعني مشاركاتهم في المنتدى التجاري اكثر شي... اما عن ان الناس ترد على الموضوع على حسب كاتبه.. ما اتفق معاك فيها لان هالشي مب صاير في هالمنتدى لكنه صاير وبكثره في المنتديات الثانيه... هنيه يشاركون اذا كان الموضوع يشد ... او فيه نقاش لكن اذا الموضوع معلومات عامه يتثاقلون يشكرون... خذ اجرك من الله وانسى الناس

[خالد]

:rolleyes:خيييبه شقا معصب!! عادي انت اطرح الموضوع شو عليك حصلت رد والا لا؟!... وبعدين مواضعيك حلوه ونستمتع بها ومعظم الاعضاء في المنتدى تجار يعني مشاركاتهم في المنتدى التجاري اكثر شي... اما عن ان الناس ترد على الموضوع على حسب كاتبه.. ما اتفق معاك فيها لان هالشي مب صاير في هالمنتدى لكنه صاير وبكثره في المنتديات الثانيه... هنيه يشاركون اذا كان الموضوع يشد ... او فيه نقاش لكن اذا الموضوع معلومات عامه يتثاقلون يشكرون... خذ اجرك من الله وانسى الناس




ماشاء الله عليج ماقصرتي


التجار لهم اقسامهم الخاصة

وياريت قبل ماتحطين رد اقري الموضوع زين :rolleyes:


وشو يتثاقلون يشكرون ؟؟؟؟؟؟؟؟؟؟:confused:



الصراحه ماتوقعت ها الرد منج





:p

[N@meless]

ماشاء الله عليج ماقصرتي
ماعليك زود:confused:

التجار لهم اقسامهم الخاصة
اللي اقصده بس ماشالله عليك مالقطته ان فيه اعضاء وايد في المنتدى بس مايشاركون في المنتديات العامه اغلبية مشاركاتهم في القسم التجاري اما اللي يشاركون في المنتدى العام مب وايدين ومواعيد دخولهم اكثر شي في الليل... يعني ان حطيت موضوع اصبر عليه مب شرط ايي واحد يقراه ويرد عليه على طول الناس في اشغالهم في النهار

وياريت قبل ماتحطين رد اقري الموضوع زين :rolleyes:
انشالله قبل لا اقرا اي موضوع لك بقراه مره ومرتين وثلاث لين استوعب اللي تقصده وبتريا حد يرد عليك علشان اتأكد ان فهمي صح وبعدين بشوف ارد والا لا

وشو يتثاقلون يشكرون ؟؟؟؟؟؟؟؟؟؟:confused:
انا من الاشخاص اللي اذا ما عندي اضافه للموضوع اقراه واطلع... اذا كل ما اقرا موضوع ادخل واشكر واطلع ما بخلص وانا مب فاضيه لهالدرجه



الصراحه ماتوقعت ها الرد منج
( يا حبج للمشاكل ) :p
كل انسان وله وجهة نظر يا خالد مب شرط احط رد يتوافق معاك علشان ترضى ... كل انسان وتفكيره وبيئته وثقافته... وبعدين هاي ثاني مرة تقول لي ياحبج للمشاكل!... انا يوم ما اتفق مع باقي الاعضاء في الاراء المطروحه مب معناته اني اسوي مشاكل... المنتدى موجود للاخذ والعطا وكل واحد يطرح فكرته وهنيه تصير المناقشه لكن لو كلنا اتفقنا على راي واحد بينتهي الموضوع في صفحه وحده وهذا ضد اللي انت تنادي به في هالموضوع والا انا غلطانه!

[سنيوريتا]

مشكور عالموضوع اخوي خالد وصدقك مرات الواحد يحس باحباط يوم يكتب شي او موضوع وما يحصل رد عالموضوع ..


الا القليل اللي على طول ماشالله يردون ..


حتى لو معلومات عامه دام انك قريت الموضوع لازم تشكر ما بياخذ منك وقت والا عطنا وجهة نظرك يمكن نختلف وياك بالموضوع او المعلومه وبالتالي نفيد ونستفيد..


صح مرات الواحد ما يتفيج يشكر ويقول عقب بدش اشكر وانا من هالنوع مرات ادخل اتطمن على المنتدى وعلى الجديد واقول عقب بكتب رايي او بعلق عالموضوع مرات اكون مستعيله ..

ومرات احب اكون متابعه بصمت الى ان يحين دوري في ابداء الراي او عرض فكرة ما ..


وشكرا لك خالد ومواضيعك من المواضيع المهمه في المنتدى ..

[خالد]

........تم حذفة

[خالد]

دمج

+


حذف

[ولد العرب]

شكرا اخوي خالد ومواضيعك طيبه دايما وتستحق الشكر

ولا تزعلون من بعضكم مهما صار انتوا اخوان في الاسلام

[النعيمي]

ليست كل المواضيع على نفس الدرجة
1 مواضيع تستحق التشجيع.
2 مواضيع تستحق الشكر.
3 مواضيع يحسن السكوت عنها.
4 مواضيع يجب النصح منها وعليها.
5 مواضيع يجب الانكار عليها.
لامجامله ولا مداهنه.. فاذا شجعت منكراً زاد منكره.. واذا شجعت خيراً زاد خيره..

الاخ خالد انته متسرع في الحكم على الاشياء..

[الحر]

اولا مشكووووووووووووووووووووووور على الموضوع

وفعلا ردود الاعضاء تشجع كاتب الموضوع على المشاركة ويفضل من الاعضاء الرد ولو حتى بكلمة لان المنتدى جديد و الاعضاء المشاركين في المنتديات غير التجارية لا يزالون قليل ولكن بعض الاعضاء ليس لديهم وقت للردود على كل المواضيع وكلام نامليس صحيح ولكن اللي نطلبه من الذين يجدون الوقت ان يشاركوا اكثر واكثر

انا واحد من الاعضاء الذين قل تواجدهم في المنتدى في الفترة الاخيرة لاسباب خارجة عن ارادتي ولا استطيع الرد على كل المواضيع

و اخيرا كان حوارك مع نامليس غير منطقي ولا عقلاني

نريد ان ترتقى بالمنتدى فوق هذه العبارات التي تحرف الحوار والنقاش عن مساره الصحيح

[الراقي1]

ابو الوليد ...... أشوفك تمشي عكس القانون المنطقي للحوار والنقاش

مش لازم اللي يقراء الموضوع يرد ...... واللي ما يرد ما تقدر تجبره

صحيح الردود تشجع الكاتب بس في نفس الوقت الكاتب يرجي الاجر من الله مش من الاعضاء

وردود نيملس انا اعتبرها مواضيع ........ وهي مش اللي تدور المشاكل انت يا خالد اللي تدور المشاكل..... راجع نفسك

تحياتي

[خالد]

يا الله ولا تزعلون



لاتردون على المواضيع


الي يرد يرد احترام للي منزل الموضوع مو عشان تعب ويابه بس


وانا متاكد اذا انسان دوم يدش يرد على مواضيعك مابتعاملة مثل واحد عمره ماحط رد ؟


واذا الموضوع حطه واطلب الاجر من الله ماصار منتدى اصلا


المنتدى مثل ميلس بيت نتقابل نسولف نعرف اخبار بعضنا والي ماله حس نسال عنه

[سنيوريتا]

يا جماعة الخير شو بلاكم هالايام عالحروب ..


والمناقشات الشاده مالها داعي ولا الاستهزاء كبرو عقلكم شوي اخواني اخواتي اللي بيرد عالموضوع حياه الله واللي ما بيرد وبيقرا بعد حياه الله

وصاحب الموضوع اكيد بيستانس اذا حصل رد حلو او تعليق على موضوعه هاللي يبا يوصله خالد بس العبارات خانته شوي

وبلا نقاشات شااده رجاء ما نبا تش من بين اعضاء منتدانا ..

والله يهديكم بالاخير ..

[شخصية مستهدفة]

مشكووووووووووور

[آل مكتومــ]

مشكوووووووووووووووووووووووور

[خالد]

المهم لاحد يزعل


وانا اسف اذا غلطت والسموحة

[UAE]

تم مراسلة خالد ,, بخصوص الردود ,,




___________


يغلق

http://www.uaebuy.com/vb/uaebuy/buttons/threadclosed.gif