يحقرني ليش؟؟؟؟؟؟؟؟؟

[ام سلطان]

السلام عليكم ...



شخباركم ؟

أكيد كلكم ، أختبر الشعور بالحقران ، يعني هو يكلم واحد ، و هالواحد

و لا على باله يرد عليه أو يمكن يسمع له متجاهلنه خير شر ... هالشعور كلش ينرفز

بعض الأحيان ، إلي يحقرك ما يكون له أي إهتمام بالشي إلي انت تتكلم عنه ، و ما يبي

يتعب روحه و يسمع و يفكر


بعض الأحيان يكون هالشخص مقهور منك ، أو موصل حده عليك .. و مو متحمل يكلمك ...


بعض الأحيان ، يكون هالشخص يبي يسوي روحه ثقيل و كلامه قليل ...


و غيرها من السوالف .....!!


ما هو شعورك و انت حاقرينك ؟!


و انت متى تحقر إلي يكلمك ، لحد يقول و لا مره حقرت أحد ، أعترفوا


الموضوع بايخ ؟!

[N@meless]

بالنسبة لي انا اذا فتحت موضوع وحسيت من اللي جدامي انه مب مهتم اسكر الموضوع على طول بدون مقدمات واسكت.... يعني السالفه مب حقران على ما اعتقد فالشخص اللي تكلمينه مب مجبور انه يسمع سالفه هو مب مهتم فيها ولا بتفيده بشي... وفيه ناس ما عندهم حسن الاستماع يعني حتى لو مهتم بتلقينه مرتبش بشي ثاني في نفس الوقت

وانا نادر ما احقر حد لاني احس انها كبيرة وقلة ادب... يعني مهما كانت السالفه طويله اكيد بتخلص في الاخير ولا احراج الشخص اللي يرمس

[ام سلطان]

تسلمين وربي على هالصررراحه الطيبه

تشرفت بمرورج وبرد الارووووع

[ورديه فاتح]

الحقراااااااااااااان ابيخ شي في الدنيا :(:(:(

[N@meless]

الحقراااااااااااااان ابيخ شي في الدنيا :(:(:(

يا ورديه اللي يحقرج احقريه ولا تحطين في بالج محد يسوى تضايقين نفسج علشانه... اتبعي مقولة الحقران يقطع المصران والخسران اللي يحقر لانه فيه احتمال المتكلم يقول شي مهم ويفوته.... سوي طاف ومشي نفسج......

[ام سلطان]

هيه والله كلامج كله صحيح يالغلا تسلمين فديتج على هالرد الحلووو

[قصايد]

ما هو شعورك و انت حاقرينك ؟!
اكيد ابووووز بس btw مرات بس يحقروني بنات الكلاس عسب يشوفوني ابوووزز عقب ايقولووون نمزح وياج

و انت متى تحقر إلي يكلمك ، لحد يقول و لا مره حقرت أحد ، أعترفوا

احس كلمة تحقر مب مناسبه لو كتبتي اطنش احسن اوكي انا اطنش اللي يكلمني يوم حد يستهبل علي مثلا قاعدين انشوف بروجرام معين في التي في ويعرفون اسمه ولا بعد قاعدين ويانا بنفس المكان ويقولون شو اطالعين بس عسب يطفروني

[ام سلطان]

تسلمين يايالغلا بس الحقران قوووويه مو مثل طنش طنش تعودنا عليها بس الحقران مااااتظهر هالكلمه اللى بعد مايحقرج اعزن الناااس لج وشو السبب ....؟ كبرياااء او ماايبا يكلمج او بعد ماااوصل للى يباه يحقرج ولا يرد عليج ابدا

تسلمين حبوبه على هالمرور الطيب

[UAE]

مررت بهذا الموقف


لكن ما خليته يستمر اكثر من ساعه



وفي الاخير


انقلب السحر على المنطش

وصرت انا الي اطنش Hooligan


شكرا على الموضوع ام سلطان

[...ألـخ]

مااتذكـــر:confused:

[سنيوريتا]

اللي يحقرني مادري ليش اضحك عليه خخخخخخخخخخخخخخخخخخخخ



لان مب انا المحتاجه او حتى لو انا محتاجه بس بعد مب خسرانه ^^

[ام سلطان]

يسلموووو الكل على هالرد الحلوووو

تشرفت بمروركم الطيب

[قصايد]

نحن اتشرفنا بعضوه مثلج بس عاد شدي حيلج نبا مواضيع اكثر;):o:)