الحريه الزايده عن حدها

[همس الحراير]

ابا رايكم عن الاهالي الي معطين عيالهم الحريه الزائدة بحيث تكثر طلعات عيالهم بطريقه سلبيه ومن غير سؤال وين طالع وليييش؟
هل تعتقدون هذا التصرف ثقه الوالدين بابنائهم

أو هل تعتقدون عدم اهتمام الوالدين وانشغالهم عن الابناء؟

هل تعتقدون في جيلنا وزمانا الحالي ان الوالدين اذا اعطو ابنائهم الحرية بحدود بيلتزمون حدودهم؟

اذا كانت تربية الوالدين حسنة و صحيحة وطلع المراهق عكس تربية اهله من اللي ينلام في هذه اللحظة؟

اتريا ردكم

[UAE]

لكل شي حد

وعلى الوالدين استخدام سياسة مسك العصاء من النص للفتى ومسك العصى من الطرف للفتاة



واقسم ذلك بينهم


الفتى : 50% حريه_______ 50% لا للحريه


الفتاة : 2% حريه _______ 98% لا للحريه

موووضووع جميل يستحق النقاش

[خالد]

الصراحه



انا اشوف الحرية المطلقة مشكلة احتمال ينحرف

والخوف الزايد على العيال ولا يخلونهم يحتكون بالعالم الخارجي وفي الناس تحبس عيالها


و المشكلة بتصير شخصيتة مهزوزه ويمكن يكون انطوائي

50/50 للذكور

20/80 للبنات
لا تزعلن يا بنات انا بقولكن ليش لان البنت اغلب الوقت في البيت وتتعلم امور المطبخ وغسيل الصحون


ادري دوم مشاكل بين الخوات على من الغسيل اليوم او الطباخ هههههههه


وللاسف اغلب الناس مايعلمون بناتهم شو البيت والمطبخ ومعطينهن الحرية 100/100

[الراقي1]

اولاً البركة هي من الله سبحانه وتعالى

والاهل مثل ما قال المراقب العام يجب ان يوازنوا بين الثقة المفرطة بالابناء وبين الحبس
يجب ان لا يخرج الابناء الا بأذن من الاهل ..... ويكون الاهل على علم بالمكان الموجود به ولدهم ومع من

ولو الناس تطبق ما جاء في القران والسنة لكان مجتمعنا قدوة في الاخلاق والترابط

نسأل الله أن يبارك في شبابنا وبناتنا

[همس الحراير]

شكرا عل المرور

[UAE]

غريبه ليش البنات ما شاركوا في هذا الموضوع :confused:

[قصايد]

الصراحه



انا اشوف الحرية المطلقة مشكلة احتمال ينحرف

والخوف الزايد على العيال ولا يخلونهم يحتكون بالعالم الخارجي وفي الناس تحبس عيالها


و المشكلة بتصير شخصيتة مهزوزه ويمكن يكون انطوائي

50/50 للذكور

20/80 للبنات
لا تزعلن يا بنات انا بقولكن ليش لان البنت اغلب الوقت في البيت وتتعلم امور المطبخ وغسيل الصحون


ادري دوم مشاكل بين الخوات على من الغسيل اليوم او الطباخ هههههههه


وللاسف اغلب الناس مايعلمون بناتهم شو البيت والمطبخ ومعطينهن الحرية 100/100

في ناس ما يعلمون بناتهم البيت والمطبخ وما يعطونهم الحريه الكامله هو ما يعتمد على البرسنت اللي بتعطونها البوي ولا الجيرل هو يعتمد على الشخص نفسه وعلى اهلهم انا ضد الحريه المطلقه سواء كان للبويز ولا الجيرلز لانه شي وايد شباب عطوهم الحريه الكامله بس ما كانو قد الثقه اللي ما كمل تعليمه واللي بصف سادس وهو فوق العشرين المفروض انه الاهل يهتمون بعيالهم اكثر مب كل سنه ايبون واحد وما يدرون عنه شو سوه ووين كان ويا منو يمشي الصراحه انا ضد الحريه انا مع الحريه المعتدله يعني مب يحبسونهم فالبيت ولا يخلونهم هايتين فالشوارع نص نص وكل شي بيكون اوكي

[سنيوريتا]

مشكورة عالموضوع


وعن الحريه كل شي له وقته من عمر 0 لين 2 دلع عقب من 2 لين 4 نعلمهم الصح من الغلط ومن عمر 4 لين 7 نعلمهم امور الدين و وكيف لازم يصلي الطفل ومن عمر 7 لين 10 نعلمهم اهمية العلم والتعلم ومن 10 لين 13 نشد عليهم وتوصل للضرب بس مب المبرح حرااام ومن 13 لين 18 فهالسن لازم الاب يكون صديق الولد والام صديقة البنت عشان تعرف الام تفكير بنتها وتتنيه لافكارها وتعرف كيف تعلمها وتربيها والابو نفس الشي ويعلمه على المسؤوليه ..

وعن الطلعات والحريه الولد يبدأالاب يراقبه من 13 لين 18 او 19 حتى 20 وعقب خلاص يبدأ الولد يعرف يفكر ويعرف الصح من الغلط ونفس الشي البنت تتراقب لين ما تعرس حتى لان عقب الدراسه فيه جامعات وبلاوي وغيرها وعقبها اصلا سبحان الله لو التربيه كانت البدايه صح لازم الابن اذا غلط يرد للصواب ..

وانا فنظري ان الابو والام لازم يراقبون عيالهم ولكن من غير ما يحسون العيال عشان ما يحسون ان الثقه معدومه ولازم الوالدين ما يقصرون فالعيال لا يحرموونهم واااااااايد ولا حريتهم واااااااايد لان الحرمان المفرط والحرية المفرطه كلاهما يؤديان الى الطريق الاعوج ..

وانا احس ان لازم الام والابو ما يقصرون فعيالهم بحدوود المعقول ويربونهم تربيه صالحه فنفس الوقت عشان ما يحسون بنقص اللي يخليهم يسلكون طريق اعوج

[N@meless]

لو كل اب وام يعتبر ابناءه امانه ينسأل عنها يوم الدين ما كنا شفنا البلاوي اللي نشوفها الحين... المفروض على الاهل انهم يعودون عيالهم انهم يصارحونهم بالغلط قبل الصح من وهم صغار وردة فعل الاهل المفروض تكون واقعيه... يعني ان صار الغلط المفروض تنصحه مب تلومه لانه شي صار وخلص ما تقدر ترده... اما حرية الطلعات والردات ما اشجعها... الولد المفروض يسير مع ابوه مجالس الرجال علشان يتعلم ويتسنع ويفهم... اما البنت فالمفروض انها تتعود على البيت وشغل البيت... اما هذا يطلع مع ربعه وما تعرفه وين يسير وهاي تسير مع ربيعاتها السوق بروحهم مع السايق فهذي مسخره ... اي شخصيه بيبنيها اذا سار مع ربعه يغازل بنات خلق الله في الاسواق والا يتيلس في المقاهي والبارات؟!! شو دراك انت وين ولدك يسير...

[سنيوريتا]

نمليس هذا قبل الدنيا اختربت الحين وين المطابخ ووين الميالس ..

[همس الحراير]

شكرا عل المروور

[N@meless]

نمليس هذا قبل الدنيا اختربت الحين وين المطابخ ووين الميالس ..

وعلشان جذيه قلت لكم جيل فاشل... امسك اصغر طفل فلسطيني بتلقاه يرمس احسن عن شاب ناضج عندنا... ليش هالشي؟ لانهم عايشين بفخر عروبتهم ووطنيتهم واسلامهم... عايشين كعائله وحده ضد الصعاب اللي يواجهونها... وفي الجانب الاخر شبابنا تربية خدم عايشين لا هوية ولا وطنية ولا اسلام الا من رحم ربي... تلقاهم رافعين راسهم بكلمتين انجليزي يعرفونها ولبس اجانب ما يخصهم فيه.... ما يدرون ان هالشي يحط من قدرهم جدام الاجانب اللي يبون يأثرون فيهم ... افخر بنفسك يا اماراتي ويا مسلم ويا عربي اذا تنشد الاحترام من الناس

[UAE]

وعلشان جذيه قلت لكم جيل فاشل... امسك اصغر طفل فلسطيني بتلقاه يرمس احسن عن شاب ناضج عندنا... ليش هالشي؟ لانهم عايشين بفخر عروبتهم ووطنيتهم واسلامهم... عايشين كعائله وحده ضد الصعاب اللي يواجهونها... وفي الجانب الاخر شبابنا تربية خدم عايشين لا هوية ولا وطنية ولا اسلام الا من رحم ربي... تلقاهم رافعين راسهم بكلمتين انجليزي يعرفونها ولبس اجانب ما يخصهم فيه.... ما يدرون ان هالشي يحط من قدرهم جدام الاجانب اللي يبون يأثرون فيهم ... افخر بنفسك يا اماراتي ويا مسلم ويا عربي اذا تنشد الاحترام من الناس


امسك اصغر طفل فلسطيني بتلقاه يرمس احسن عن شاب ناضج عندنا


واقع مرييير


فعلا الاماراتي ما يعرف يتكلم مثل ما يتكلم السعودي والقطري والكويتي وغيرهم وكأنه من حيدرا باد


يالله حد فيكم يفتح موضوع لنقاش عن هذي النقطه

مهمه جدا

[سنيوريتا]

امسك اصغر طفل فلسطيني بتلقاه يرمس احسن عن شاب ناضج عندنا


واقع مرييير


فعلا الاماراتي ما يعرف يتكلم مثل ما يتكلم السعودي والقطري والكويتي وغيرهم وكأنه من حيدرا باد


يالله حد فيكم يفتح موضوع لنقاش عن هذي النقطه

مهمه جدا

:d:d:rolleyes::(:rolleyes::d:d


ماعرف اضحك اصيح والله صدقكم ..

شر البلية ما يضحك..

وشعبنا اونهم مثقفين مب كلهم البعض تعال رمس المثقف ولا يعرف شي بس جي متخرج من الجامعه بالدز شكله ولا يعرف شي

الا البعض منهم يحاول انه يتعلم يناقش ويرد ويكون حكيم فرده اللي يشرف بس الاغلب طل بعينهم ما يعرفون يركبون كلمتين فوق بعض شرات الناس الثانيين الا مصخره و عبط وحط عالناس هاللي فالحينبه