شراء فيلا في امريكا ولا بلجيكا

[قصايد]

هالايام اسعار الفلل والبيوت وايد نازله فامريكا يعني لو الفيلا اللي كانو يبيعونها 200 الف دولار صارت ب50 ولا 100 الف دولار عسب البنك اللي اتورط فيعني لو اشتريتو فلل هناك ورد اقتصاد امريكا مثل قبل وبعتو هالفلل بتربحون وايد
عقلي التجاري شوي ضارب بس حبيت اعرض الفكره عليكم ;)

[UAE]

ما شاء الله عليج


لكن

بدل ما الواحد يتعب نفسه ويسافر امريكا ويشتري


افضله ينتظر العقارات في الدولة تنزل


ازمة الرهن العقاري في الطريق ان شاء الله الله يعجل في قدووووومها


واكبر دليل على اقتراب الازمه ( اندماج الشركات العقاريه )



بالتوفيق اختي واشكرج على هذا الفكر التجاري البحت

[قصايد]

مشكور على الرد بس الدولار غير الدرهم

[ولد الامارات1]

يا جماعه ليش انتوا مصرين ع التشائم
ترا العقارات عندنا في الدوله مب مرهونه عسب تنز ل الي صاير في امريكا ان جميع العقارات مرهونه للبنوك وعندما امتنع المقترضون للعقارات عن السداد وافلست البنوك الامريكيه نظرا لامتناعهم عن السداد ظهرت ازمت الرهن العقاري وهي انخفاض الطلب وكثرت العرض فتدهورت اسواق العقارات الامريكيه ومن توابعها الازمه الماليه الامريكيه

وان شاء الله دولتنا مابا يصير فيها هالشي لا ازمه ولا شي احنا العقارات عندنا ليست مرهونه للبنوك

[UAE]

يا جماعه ليش انتوا مصرين ع التشائم
ترا العقارات عندنا في الدوله مب مرهونه عسب تنز ل الي صاير في امريكا ان جميع العقارات مرهونه للبنوك وعندما امتنع المقترضون للعقارات عن السداد وافلست البنوك الامريكيه نظرا لامتناعهم عن السداد ظهرت ازمت الرهن العقاري وهي انخفاض الطلب وكثرت العرض فتدهورت اسواق العقارات الامريكيه ومن توابعها الازمه الماليه الامريكيه

وان شاء الله دولتنا مابا يصير فيها هالشي لا ازمه ولا شي احنا العقارات عندنا ليست مرهونه للبنوك

ولد الامارات

كل شي مربوط بالبنوك

واغلب بنوكنا واستثماراتنا مربوطه بالماما امريكا


Hooligan

[قصايد]

انا ويا uae لانه كل شي مربوط بامريكا نص بنوكنا تستثمر بيزاتها فبنوك ومشاريع امريكا عقب كم اسبوع وبالوقت الحالي بعد بتشوفون كيف العقارات بتنزل وحتى في دبي اسعار البيوت بتنزل واللي يبا يلعبها صح يشتري هالاشياء وثانكس على الردود ولايام بتثبت اذا نحن تفكيرنا صح ولا غلط

[بياع مشتري]

معظم العقارات اللي موجوده بقروض من البنوك طويلة الاجل وأنا أويد uae والعقار بدى فعلا بانزول لان العرض أقوى من الطلب.

[قصايد]

ثانكس على الرد

[N@meless]

اللي عنده بيزات ينتظر شوي لانها بعدها بتنزل ويشتري ويوم بترد ترتفع يبيع.. اعتقد انها فرصة استثمارية كبيره وفي العقار محد يخسر

[N@meless]

وعلى فكرة دونالد ترمب بيفتتح ترمب تاور الحين في دبي

[UAE]

وعلى فكرة دونالد ترمب بيفتتح ترمب تاور الحين في دبي

اممممممممم

في مشاريع قائمه حتى الحين

لكن مصيرها تنباع برخص التراب


انا افكر:Icon71:

اشتري في كل اماره بيتين او ثلاثه

لكن

بعد الازمه

:d

[قصايد]

فكر بسرعه لانه الازمه ما بطول ومشكور على الردود شكله موضوعك مب موضوعي كله ترد على الاعضاء بدالي

[UAE]

فكر بسرعه لانه الازمه ما بطول ومشكور على الردود شكله موضوعك مب موضوعي كله ترد على الاعضاء بدالي

الازمه بعدها ما ابتدت


وهذي كلها علامات للازمه


والي يراجع الاحداث الي حدثت في امريكا قبل الازمه بيلاحظ انه في تشابه كبير بينا وبينهم



بالتوفيق

[قصايد]

اكيد في تشابه بينا وبينهم لانه كانت معظم استثمارتنا فهالبنك مادام هالبنك اتاثر اكيد نحن بنتاثر وثاتكس على الرد

[ولد الامارات1]

يا جماعه على الفكره العقار مابا ينزل لان الاستثمارات الاجنبيه بدات بالزحف للدوله نتيجة سقوط العقار في امريكا واوروبا وراح ترتفع الاسعار بعد فتره بشكل جنوني لان البنوك الوطنيه ما راح يصيبها اي شي من الازمه العالميه
لان البنوك لها دعم خاص وقوي ولان اكثر من 75 بالمئه من الايداعات في بنوك الدوله للمواطنين

[قصايد]

قلتلك البنوك الوطنيه ما يخصها بشي بس بعد لها نسبه قليله من استثمرات برع الدوله بس البنوك التجاريه هي اللي بتتاثر وايد وبعدين الناس خايفه من الازمه الكل يسحب بيزاته من البنوك بس هاي وجهة نظري وثانكس على الرد

[ولد الامارات1]

كلامج صح بس الي يسحبون بيزاتهم من البنوك الاجانب ونسبتها 15 بالمئه فقط وما تاثر
والبنوك التجاريه بتحصل على دعم قوي من الدوله

[قصايد]

عموما ثانكس على الردود ما بنستبق الاحداث مب قناة الجزيره نحن هههه

[بياع مشتري]

أكيد الاسعار بتنزل لان الاسعار وصلت أرقام خرافية .. بس الين الحين مابداء التصريف على العقار؟؟

[قصايد]

البارحه شفت عارضين فلا فدبي بموقع وايد حلو بمليون درهم بس

[ولد الامارات1]

اوك بنشتري نص المبلغ من عندي شو رايج

[قصايد]

اكيد اشتروه لانه محد يفوت هالفرصه عليه

[قصايد]

شوفو هالخبر يعني عقارات لندن بالحضيض لو انا بشتري


أفادت تقارير صحافية في العاصمة البريطانية لندن أمس بأن الأمير تشارلز، ولي عهد بريطانيا، خسر مبلغ 38 مليون جنيه إسترليني (حوالي 61 مليون دولار) من ثروته الشخصية بسبب الأزمة المالية العالمية الراهنة.

فقدت ذكرت صحيفة «الصن» البريطانية الشعبية الواسعة الانتشار في عددها الصادر أمس، أن قيمة أملاك الأمير تعرضت لتراجع كبير نتيجة هبوط أسعار العقارات في بريطانيا وعالمياً. وأوضحت أن أغلب أملاك الأمير (60 سنة) التي كانت تقدّر قيمتها في العام الماضي بـ647 مليون جنيه إسترليني أبرزها أراض زراعية بجنوب غربي إنجلترا، ولا سيما في دوقية كورنوول، بجانب عقارات داخل لندن، و192 فداناً اشتراها في مقاطعة ويلز عام 2007، فقدت وفق الاحصاءات الاخيرة جزءاً لا يستهان به من قيمتها متراجعة بنسبة 1.5% مقارنة بالفترة ذاتها من العام الماضي.

وكان آخر إحصاء رسمي لدخل ولي العهد البريطاني، نشرت حصيلته يوم 30 يونيو (حزيران) الماضي، قد أشار إلى ارتفاع نسبته 7% عن الفترة نفسها في العام السابق.

[ولد الامارات1]

مشكوره اختي قصايد ما شاء الله عليج متابع اخبار الامير تشارلز

[قصايد]

ثانكس على المرور اخوي

[سنيوريتا]

مشكورة قصايد على الموضوع والتوضيح بس انا اشوف مثل ما قلتي يوم العقار ينزل الواحد يفضل ان يسارع انه يشتري ويبدأ بالاستثمار واكيد ربحان ....

والعقار والقتصاد في ارتفاع ونزول واكيد الزمه ما بتطول فترة طويله